"Челси" трансфер бозорида "Аталанта"ни алдолмади
Англия премьер-лигаси етакчиси "Челси" қизғин паллага кирган қишки трансфер бозорида айёрона юришни амалга оширмоқчи эди. Италия футболини яхши биладиган жамоа бош мураббийи Антонио Конте бошчлигидаги лондонликларнинг бу иши "ўхшамай" қолди.
Гап шундаки, "Челси" раҳбарияти Италия чемпионати вакили "Аталанта"да ўзини кўрсатиб келаётган ярим ҳимоячи Франк Кессиэни 25 миллион евро эвазига трансфер қилиб, кейин футболчини "Аталанта"га ижара асосида қайтариб бермоқчи эди.
Бироқ италияликлар ўйини Яя Турега қиёсланаётган бу футболчига бошқа жамоалардан таклиф кўплиги учун лондонликларнинг таклифига кўнмади.
20 ёшли Кессиэ А серия ўйинларида 16 та марта майдонга тушиб, рақиблар дарвозасини олти маротаба ишғол қилган.
Фикрлар