ЕЧЛда 11 сонияда киритилган голга 10 йил тўлди

Бундан роса 10 йил муқаддам ЕЧЛ 1/8 финал жавоб учрашуви доирасида “Бавария” ва “Реал” клублари ўртасидаги ўйинда ЕЧЛ тарихидаги энг тезкор гол киритилган эди. Ўшанда ўйиннинг 10,12-сониясидаёқ мезбонлар футболчиси Рой Макай учрашувда ҳисобни очишга муваффақ бўлган эди. Шу муносабати билан эса бугун биз ўша баҳсда майдонга тушган “Бавария” футболчилари билан сизларни таништирамиз.

• “Наполи” – “Реал” учрашувига оид 11 та факт
• “Реал” нима сабабдан Неапольдаги жавоб баҳсида эҳтиёт бўлиши керак
• А Серияда энг кўп ўйин ўтказган 5 футболчи

Рой Макай

Бугунги кунда “Фейенорд” клубида мураббий сифатида фаолият юритаётган Макай “Бавария” сафида 2003-2007 йилларда тўп сурган бўлиб, бу вақт оралиғида голландиялик собиқ ҳужумчи рақиблар дарвозасини 103 бор ишғол этишга муваффақ бўлган. Макай 2007 йилнинг 7 март оқшомида Хасан Салихамиджичдан тўпни қабул қилиб олади ва…

Марк ван Боммел

Макайнинг ҳамюрти ван Боммелни ҳам “Бавария” мухлислари қадрлашади. Мюнхенда 4,5 йил тўп сурган Марк жамоага Луи ван Гал келгач, клубдан кетишга қарор қилади ва “Милан”га ўтиб, А Серияда ғолиб чиқади. Фаолиятитини эса “ПСВ”да якунлайди

Оуэн Харгривз

“Бавария” академияси тарбияланувчиси бўлган Харгривз 2001 йил “Реал”га қарши кечган жавоб ўйинида нималар қилмаган дейсиз? Аммо Харгривзни мунтазам равишда жароҳатлар таъқиб қилиб келган ва айни шу сабаб 31 ёшида буцаларини “михга илиш”га мажбур бўлади.

Вилли Саньоль

“Бавария” мухлислари “Виллииииииииии” деб қичқиришдими? Демак, тўп билан ким муомала қилаётганини билиш қийин эмас эди. Мюнхен суперклубида 8 йил тўп сурган Саньоль ҳам жароҳатлари сабаб футболдан барвақт кетишга мажбур бўлади.

Даниэль ван Буйтен

Ван Буйтен ҳам “Бавария” сафида 8 йил тўп сурган ва жамоа билан 4 марта “Олтин дубль”ни қўлга киритган. Бундан ташқари белгиялик собиқ футболчи ЕЧЛда ҳам зафар қучган. Бугунги кунда эса Даниэль  мода оламида фаолият юритиш билан бирга, Льежнинг “Стандарт” клубида вице-президент сифатида ҳам ишламоқда.

Лусио

Лусио – ван Буйтеннинг марказий ҳимоядаги шериги эди. Энг қизиғи эса у ҳам ван Гал келгани хамоноқ, клубни тарк этади ва “Интер” сафига бориб қўшилади. 2010 йилги ЕЧЛ финалида эса бразилиялик ҳимоячи “Интер” сафида собиқ жамоасига қарши майдонга тушади ва “нерадзуррилар”нинг ғалабасига ўзининг муносиб хиссасини қўшади.

Филипп Лам

Лам 2014 йилда халқаро фаолиятини якунлаганини эълон қилган эди. Афтидан бу мавсум якунланганидан сўнг Филипп футболчилик фаолиятини якунлайди.

• “Реал” ҳақида сиз билган ва билмаган 10 та факт
• “Боруссия Дортмунд” тарихидаги энг яхши 5 тўпурар
• Легионерларимизда нима гап?

Шаҳзод Холбоев тайёрлади