Европа лигаси чорак финалида рўбаро келган жуфтликлар ҳақида
17 март, 21:20 | 289

Бугун Ньондаги УEФА штаб-квартирасида Европа лигаси чорак финалига қуръа ташланди. Қуръа натижаларига кўра Жозе Моуриньо жамоаси “Андерлехт” билан, Ахмедовнинг собиқ жамоасини мусобақадан чиқариб юборган “Сельта” Бельгиянинг бошқа бир жамоаси – “Генк” билан, Депайни сотиб олган “Лион” “Бешиктош” билан, ва ниҳоят “Аякс” эса “Шальке-04” билан тўқнаш келадиган бўлди. Биз эса бу жамоаларнинг олдинги иштироклари ва бошқалар тўғрисидаги қизиқарли фактларни эътиборингизга ҳавола этамиз.

“Аякс” – “Шальке”

Ҳар иккала жамоа УEФА кубоги/Европа лигасини олдин қўлга киритишга улгурган. “Аякс” 1991/92 йилги мавсумда, гельзенкирхенликлар эса 1996/97 йилги мавсумда бош совринни қўлга киритишган;

“Шальке-04” ҳужумчиси Клаас-Ян Хунтелар 3 мавсум “Аякс”да ҳам тўп сурган ва амстердамликлар сафида 100 га яқин гол киритишга эришган;

“Аякс” сўнгги бор Германия жамоалари билан 2012/13 йилги мавсум ЕЧЛ доирасида “Боруссия Дортмунд” билан ўйнаган;

Ўшанда амстердамликлар ўз уйларида дортмунликларга 1:4 ҳисобида имкониятни бой берган эди. Аммо “Аякс” ўз майдонида Германия клублари билан ўтган 14 ўйиннинг 12 тасида ғалаба қозонганлигини таъкидлаш жоиз.

“Андерлехт” – “МЮ”

“Андерлехт” жамоаси “МЮ”га қарши 6 бор тўп сурган ва шуларнинг 3 тасида ғалаба қозонган бўлса, яна шунча баҳсда инглизлар зафар қучган;

1956/57 йилги мавсумда “Андерлехт” Манчестерда 0:10 ҳисобида мағлуб бўлган ва бу Бельгия клуби тарихида еврокубоклардаги энг йирик мағлубияти саналади;

Златан Ибрагимович 2013/14 йилги мавсумда “ПСЖ” сафида ЕЧЛ доирасида “Андерлехт”га қарши ўйинда “покер”га эришган

Андерлехт туманли альбионда ҳеч қачон ғалаба қозона билмаган – 15 ўйинда 12 мағлубият ва 3 дуранг.

“Сельта” – “Генк”

“Сельта” фақатгина 2003/04 йилги мавсумда Бельгия жамоасига рўбаро келган;

Ўшанда “Сельта” клуби “Брюгге” билан ЕЧЛ доирасида тўқнаш келади. Қизиғи ҳар иккала ўйинда ҳам 1:1 ҳисоби қайд этилган эди.

“Лион” – “Бешиктош”

Бу жамоалар расмий ўйинлар доирасида муқаддам тўқнаш келишмаган;

“Лион” турк клублари билан 2004/05 йилги мавсумдан буён хали рўбаро келмаган эди;

“Бешиткош” эса ўз майдонида француз жамоаларига мағлуб бўлмаган – 3 ўйин, 2 ғалаба ва 1 дуранг. Аммо Францияда кечган ҳар уччала ўйинда истанбулликлар мезбонларга имкониятни бой берган.

Шаҳзод Холбоев тайёрлади

Ўхшаш янгиликлар

Sports.uz 2016 ©
ЎзМАА интернет-ОАВ лицензияси рақами: №1002