Ҳасанбой Дўсматов ва яна уч боксчимиз финалда!
Таиланд пойтахти Бангкок шаҳрида ташкил этилган бокс бўйича "Қирол кубоги-2017" халқаро турнирининг финалчилари аниқланди.
Мусобақада иштирок этаётган Ўзбекистон терма жамоасининг етти нафар аъзосидан тўрт нафари финалга чиқди.
Турнирнинг энг машҳур боксчиси Ҳасанбой Дўсматов 49 килограмм вазн тоифасида финал йўлланмаси учун бўлган беллашувда Корея Халқ Демократик Республикаси вакили Ким Юн Сонгни ката устунлик билан енгди.
Ҳасанбой Дўсматов финал йўлланмаси учун рингга чиқади
64 килограмм ваз тоифасида ринга чиқаётган Элнур Абдураимов ярим финал жангида ҳиндистонлик Рохит Токасни мағлубиятга учратган бўлса, оғирлиги 69 килограмм бўлган боксчилар баҳсида Шаҳрам Ғиёсов қатарлик Тхарималунган Тхуласидан устун келди.
Ҳасанбой Дўсматовнинг Таиланддаги жанги (видео)
75 килограмм вазн тоифасида Исроил Мадримов ярим финалда таиландлик Тирапонг Деени енгди.
Ҳасанбойнинг рақиби зарбаларга дош беролмади (видео)
Иштирокини ярим финалда тўхтатган Жасурбек Латипов, Шаҳобиддин Зоиров, Муроджон Аҳмадалиев бронза медаль билан кифояланди.
Мусобақага оид энг сўнгги хабар ва янгиликларни SPORTS.uz ахборот портали орқали кузатиб боринг!
Фикрлар