Касерес “Милан”га ўтишни истамади

Уругвай терма жамоаси ҳимоячиси Мартин Касерес “Милан” шарафини ҳимоя қилишни истамади. Бу ҳақда италиялик машхур журналист Жанлука Ди Марцио ўз сайти орқали хабар бермоқда.

Таъкидлаш керакки уругвайлик футболчи дастлаб Миланга тиббий кўрикдан ўтиш учун келган эди. Бироқ, у якунда бу “россонерилар” таклифини рад этди.

Туриннинг “Ювентус” клуби собиқ аъзоси фаолиятини Англия премьер-лигасида давом эттириши мумкин. Касерес бугун бир қатор таклифларни кўриб чиқиш учун Лондонга учиб келиши кутилмоқда.

Эслатиб ўтамиз, Мартин Касерес айни дамда эркин агент ҳисобланади.