Леннокс Льюис: Супер жангда Жошуа Кличкони мағлуб этади
Супер оғир вазн тоифасининг собиқ жаҳон чемпиони Леннокс Льюис ушбу вазнда порлаб чиқаётган ва мағлубият нималигини билмай келаётган британиялик Энтони Жошуага катта ишонч билдирмоқда.
Гап шундаки, Жошуа 29 апрель куни собиқ чемпион украиналик Владимир Кличкога қарши рингга кўтарилади. Льюиснинг сўзларига кўра, Жошуа мазкур жангда ғалаба қозонади ва бунинг учун у кўпроқ имкониятга эга экан.
– Ўйлайманки, Жошуа учун ажойиб давр. Кличко сўнгги жангда мағлуб бўлгандан сўнг унинг ожиз томонлари кўриниб қолди. Жошуа чемпионлик камарларига узоқ вақт эгалик қилиб келган рақибга қарши бўладиган жангда ушбу титулларни ўзиники қилиб олиши учун яхши имкониятга эга, – дейди Льюис BBC нашрига.
Эслатиб ўтамиз, IBF, IBO ва WBO чемпионлик камарлари учун кечадиган жанг 29 апрель куни Лондондаги муҳташам “Уэмбли” стадионида бўлиб ўтади.
Фикрлар