Марадона: Икарди – хоин!

Аргентинанинг энг машҳур футболчиси, 1986 йилги жаҳон чемпионати ғолиби Диего Марадона "Интер" ҳужумчиси Мауро Икардини танқид қилиш баробарида Пеле ва Габриэль Батистута ҳақида ҳам фикрларини билдирди.

- Икарди - хоин, - деди Диего Марадона. - Дўстининг уйига зиёфатга келиб, уни хотинини йўлдан урган одам хоин бўлади. Икарди Макси Лопесга хиёнат қилди. У ҳали футболда ҳам ҳаётида ҳам бунга жавоб беради. Майдонда эса у Батистута даражасига ҳам чиқолмайди. Битта Батистута ўнта Икардидан яхши зўр эди. Мени Пелега қиёслашади. Пеле буюк футболчи мени у билан таққослашларини истамайман.

Маълумки, Лопес ва Икарди қалин дўст бўлган. Бироқ, Лопеснинг рафиқаси Ванда Нара Икарди билан юриб кетганидан кейин уларнинг муносабати бузилди. Икарди 2014 йили Нарага уйланди.

Мана шу можаро туфайли Икарди Аргентина терма жамоасида тўп суриш имконидан маҳрум бўлди.

SPORTS.uz