Миральяс: Лукаку Кейндан кучли

“Эвертон” клуби ярим ҳимоячиси Кевин Миральяс жамоадоши Ромелу Лукакуни “Тоттенхэм” ҳужумчиси Харри Кейндан кучли деб ҳисоблайди.

“Айни дамда Лукаку ва Кейн ўзларининг энг яхши спорт формаларида. Шахсан мен учун Ромелу кучликроқ. У бақувват ва тезкор.

Ҳа, Кейн ўткан мавсум тўпурарлик борасида биринчи бўлди. Аммо, умид қиламанки, бу мавсум ушбу совринни Лукаку қўлга киритади. У ҳозиргача 17та гол урди. Ўйлайманки Лукаку мавсум сўнггига қадар яна 10та ёки 15та гол ура олади. Агар Ромелу мавсумда тўпурар бўлса, у ҳолда биз чемпионатни камида кучли бешликда якунлаймиз”, - дейди Миральяс Liverpool Echo нашрига берган интервьюсида.

Эслатиб ўтамиз, Кейн ва Лукаку ҳисобида 17тадан гол мавжуд ва улар премьер-лига тўпурарлигида қўшпешқадамлик қилишмоқда. Такъидлаш керакки, бугун “Тоттенхэм” ва “Эвертон” жамоалари баҳси бўлиб ўтади. Айни шу ўйинда юқорида номлари тилга олинга ҳужумчилар дуэлига гувоҳ бўлишингиз мумкин. Учрашув Тошкент вақти билан соат 18:30да старт олади.