Неймар ҳаммани алдади

Испания чемпионатининг 23-турида "Барселона" учрашувнинг охирида белгиланган пенальти ёрдамида "Леганес" клубини мағлубиятга учратди. Пенальти меҳмонлар ҳимоячиси Мартин Мантованининг Неймарга ишлатган қўполлигидан сўнг белгиланган эди.

- Менга Неймар уни ўлдиришгандек йиқилганини айтиб беришди, - деди Мартин Мантовани. - Мен қоидани бузмагандим. Неймарга ҳалақит қилмоқчи бўлдим, лекин у менга урилиб йиқилди. У бу ҳаракати билан ҳаммани алдади. Ҳакам адашди. У ерда пенальти йўқ эди.

Каталонияликларга ғалаба келтирган пенальтини Лионель Месси аниқ амалга оширди.

SPORTS.uz