Ўзбекистон Кубоги, 1/8 финал: “Насаф” – “Пахтакор” учрашуви превьюси
Қаршининг “Насаф” жамоаси 30 май, сешанба куни Ўзбекистон Кубоги 1/8 финалининг жавоб учрашувида “Пахтакор”ни қабул қилади. Учрашув Ғузор шаҳридаги, “Ғузор” марказий стадионида соат 18:30да бошланади.
22 май куни Тошкентда бўлиб ўтган дастлабки учрашувда “аждарлар” 3:0 ҳисобида ғалаба қозонишганди.
Ўзбекистон Кубоги–2017
1/8 финал жавоб учрашуви
“Насаф” (Қарши) - “Пахтакор” (Тошкент)
30.05.2017. “Ғузор” марказий стадиони. 18:30
Бош ҳакам: Зокир Қодиров (Навоий)
Қанот ҳакамлари: Обид Жумаев, Руслан Самандаров (барчаси -Навоийдан)
Захира ҳаками: Комилжон Расулов (Қашқадарё вил.)
Назоратчи: Рашид Айтеков (Тошкент).
Мазкур жамоалар Ўзбекистон Кубоги баҳсларида 15 марта туқнаш келишган. Уларнинг 4 тасида “Насаф”, 6 тасида “Пахтакор” зафар қучган. 5 учрашувда дуранг қайд этилган. Жамоалар кубок финалларида ҳам икки марта, 2003 ва 2011 йиллар ўзаро ҳисоб-китоб қилишган.
“Насаф” ва “Пахтакор” жамоалари Ўзбекистон Суперкубогида ҳам бир марта куч синашишган. Бу учрашув ўтган йили Тошкентдаги “Бунёдкор” стадионида бўлиб ўтган. Унда қаршиликлар 1:0 ҳисобида устун келган.
Мазкур жамоалар бу йилги Ўзбекистон Кубоги баҳсларининг 1/8 финалида туқнаш келишди. Юқорида айтганимиздек, 1/8 финалининг дастлабки учрашувида “Насаф” рақибини 3:0 ҳисобида мағлуб этди.
Фикрлар