Пайет "Марсель"га ўтиб ҳам "Вест Хэм"дан қутилмади
Расман "Марсель" ўйинчисига айланган франциялик ярим ҳимоячи Димитри Пайет ва унинг эндиликда собиқ жамоасига айланган "Вест Хэм" ўртасидаги зиддият ҳамон давом этмоқда.
Гап шундаки, Димитри Пайет ўз ташаббуси билан "Вест Хэм"да ўйнамасликка қарор қилган ва январь ойида майдонга тушмаган. Бироқ футболчи ишламаган январь ойи учун ҳам маош олган. "Вест Хэм" тўполончи футболчи ярим миллион фунт миқдоридаги маблағни клубга қайтариши лозимлигини таъкидламоқда.
Бу масала юзасидан футболчи ўз қарашини айтганича йўқ. Лекин "Вест Хэм" пул қайтарилмайдиган бўлса, Пайетга нисбатан санкция қўлланишини талаб қилишини айтмоқда.
Comments