Руни: “Манчестер Сити”ни буюк дейишга ҳали эрта

“Эвертон” клуби ҳужумчиси Уэйн Руни кетма-кет қозонилаётган ғалабаларга қарамай “Манчестер Сити”ни буёк жамоа дейишга ҳали эрта деб ҳисоблашини айтди.

“Бундайлигига ишонмайман. “Сити” янада олға бориши ва кўпроқ ишларни амалга ошириши керак. Чунки, премьер-лига тарихида буюк жамоалар кўп бўлган. Бундай номни қўлга киритиш учун эса ушбу таркиб совринларни ютиши ва барқарорликни сақлаб туриши лозим.

Тарихдаги энг зўр жамоа? Менинг назаримда 2008 йилги “Манчестер Юнайтед”, - дейди тажрибали ҳужумчи talkSPORT нашрига берган интервьюсида.

Эслатиб ўтамиз, айни дамда АПЛда 52 очко жамғарган ва энг яқин таъқибчиси ҳисобланган "Манчестер Юнайтед"ни нақд 14 очкога ортда қолдираётган Хосеп Гвардиола бошчилигидаги "шаҳарликлар" мусобақа жадвалида якка пешқадам бўлиб туришибди.