“Саутгемптон” фақат мана шу таркиб билан “МЮ”ни ютиши мумкин эди

Ўтган ҳафта Англияда дастлабки мусобақа ўз ниҳоясига етди. Англия лига кубоги финалида “Манчестер Юнайтед” ва “Саутгемптон” клублари ўзаро баҳс олиб боришди. Қизиқарли тарзда кечган ўйинда тажриба ўз “сўзини айтди” ва “қизил иблислар” сўнгги 10 ойда учинчи титулни қўлга киритишди. Бугун, биз эса“Саутгемптон”дан етишиб чиққан “юлдуз” футболчилар билан сизларни ўзига хос тарзда таништирамиз.

Фрейзер Форстер

Ҳозирги клуби: “Саутгемтон”

“Авлиёлар”га унинг трансфери қанчага тушган: 10 млн фунт

Бизнинг ушбу таркибимиздан ўрин эгллаган хамда ҳозирда ҳам “Саутгемптон”да тўп сураётган ягона футболчи бу айнан Форстердир. Тўгри, у баъзида жуда ҳам кулгили хатоларга йўл қўйиб туради. Аммо бу Фрейзерга бизнинг рўйҳатимиздан жой эгаллаши учун сабаб бўлмади.

Люк Шоу

Ҳозирги клуби: “Манчестер Юнайтед”

“Авлиёлар”га унинг трансфери қанчага тушган: 0 фунт(клуб тарбияланувчиси)

Қанчага трансфер қилинган: 31 млн фунт

“Саутгемптон” академиясидан етишиб чиққан сўнгги “катта” футболчилардан бири бу шубҳасиз Шоудир. “Авлиёлар” Люкни 2014 йилда озмунча нарҳга пуллашмайди. Аммо Шоунинг жароҳатлари унинг келажагига рахна солмоқда.

Деян Ловрен

Ҳозирги клуби: “Ливерпуль”

“Авлиёлар”га унинг трансфери қанчага тушган: 8 млн фунт

Қанчага трансфер қилинган: 21 млн

Ловрен порт шаҳар – Саутгемптонда бор-йўғи бир мавсум тўп сурган холос. Шундай оз муддат ичида эса у “авлиёлар” ҳимоясида мустаҳкам “девор”ни қура билди. “Ливерпуль”  хорватияликни 21 млн фунт эвазига сотиб олибди-ми? Демак, унда нимадир бор.

Калум Чемберс

Ҳозирги клуби: “Мидлсбро”/”Арснал”

“Авлиёлар”га унинг трансфери қанчага тушган: 0 фут(клуб тарбияланувчиси)

Қанчага трансфер қилинган: 17 млн фунт

19 ёшли Чемберс учун “Арснал” скаутлари 17 млн фунтни аяшмади. Ҳозирда эса “Мидлсбро”да тажриба орттираётган Чемберсдабн “тўпчилар” мухлисари янада кучли бўлиб ортга қайтишини кутишмоқда.

Натаниэл Клайн

Ҳозирги клуби: “Ливерпуль”

“Авлиёлар”га унинг трансфери қанчага тушган: 2 млн фунт

Қанчага трансфер қилинган: 15 млн фунт

“Ливеруль”га трансфер қилинган яна бир “Саутгемптон” футболчиси. “Ливерпуль” мухлислари жамоа кўп гол ўтказиб юборишлаётганини айтишлари мумкин. Аммо Клайн ўзининг ишончли ҳаракатлари билан Юрген Клоппнинг ҳам ишончини оқламоқда.

Виктор Ваньяма

Ҳозирги клуби: “Тоттенхэм”

“Авлиёлар”га унинг трансфери қанчага тушган: 12 млн фунт

Қанчага трансфер қилинган: 12 млн фунт

Кениялик футболчи 3 мавсум “Саутгемптон”да тўп сурди. Аммо “авлиёлар” Викторнинг трансферидан бир фунт ҳам фойда кўрмади.

Морган Шнайдерлин

Ҳозирги клуби: “Эвертон”

“Авлиёлар”га унинг трансфери қанчага тушган: 1 млн фунт

Қанчага трансфер қилинган: 29 млн фунт

Майдон марказида Ваньяма–Шнайдерлин жуфтлигини кўрсак, ёмон бўлмас эди. Франциялик футболчи “Саутгемптон”да 7 мавсум тўп сурди ва 2015 йилда “МЮ”га 29 млн фунтга трансфер қилинида. Ўз навбатида, Морган ҳозирда “Саутгемптон”да бирга ишлаган Рональд Куман бошчилигида “Эвертон” сафида тўп сурмоқда.

Алекс Окслейд-Чемберлейн

“Авлиёлар”га унинг трансфери қанчага тушган: 0 фунт(клуб тарбияланувчиси)

Қанчага трансфер қилинган: 11 млн фунт

Чемберлейнга “Арсенал”нинг барча футболчилари сингари жароҳатлар мунтазам ҳалал бериб келади. Шундай бўлсада, уни яна “Саутгемптон”да кўришни истайдиганлар йўқ бўлмаса керак.

Гарет Бейл

Ҳозирги клуби: “Реал”

“Авлиёлар”га унинг трансфери қанчага тушган: 0 фунт(клуб тарбияланувчиси)

Қанчага трансфер қилинган: 12 млн фунт

“Саутгемптон” академиясининг визит карточкаси шубҳасиз Гарет Бейлдир. 2007 йил 18 ёшли иқтидор эгаси учун “шпорлар” 12 млн фунтни аяб ўтиришмаган. Ҳозирда эса бу келишув “Тоттенхэм” учун нақадар фойдали бўлганини кўришимиз мумкин.

Адам Лаллана

Ҳозирги клуби: “Ливерпуль”

“Авлиёлар”га унинг трансфери қанчага тушган: 0 фунт(клуб тарбияланувчиси)

Қанчага трансфер қилинган: 26 млн фунт

Кўриб турганингиздек, “Ливерпуль” жамоаси “Саутгемптон”дан футболчи сотиб олишни хуш кўради. Лаллана 2014 йилда “Eнфилд”да кўчиб ўтади ва ҳозирга қадар “қизиллар” ҳужум чизиғида мукаммал ўйин намойиш этиб келмоқда.

Садьо Мане

Ҳозирги клуби: “Ливерпуль”

“Авлиёлар”га унинг трансфери қанчага тушган: 0 фунт(клуб тарбияланувчиси)

Қанчага трансфер қилинган: 35 млн фунт

“Ливерпуль”нинг “Саутгемптон ярмарка”сидан харид қилинган яна бир футболчиси. Мане бу мавсумнинг ўзида 11 бор гол киритиб, 5 бор шерикларини голли узатма билан таъминлашга улгурди. Демак, 35 млн фунт бекор кетмабди…

 

Энди тасаввуир қилиб кўринг, Моуриньо шундай таркиб га эга бўлган “Саутгемптон”га қарши бирон нарса қила олармиди…?

Шаҳзод Холбоев тайёрлади

Фикрлар

Фикр қолдириш учун авторизациядан ўтинг!