Сервер Жепаров "Истиқлол” клуби машғулотларига қачон қўшилиши маълум бўлди
Хабарингиз бор Ўзбекистон терма жамоаси аъзоси Сервер Жепаров фаолиятини Эрон чемпионатида давом эттиради. Таъкидлаш жоизки, Теҳроннинг «Истиқлол» жамоаси билан 1.5 йиллик шартномани имзолаган ҳамюртимиз ҳалигача клуб машғулотларида иштирок этмади.
«Истиқлол» клубида фаолият олиб борадиган манбанинг SPORTS.uz ахборот порталига хабар беришича тажрибали ярим ҳимоячи бир неча соатлар ичида Эрон пойтахти Теҳрон шаҳрига ташриф буюради. Терма жамоамиз собиқ сардори эртага «Истиқлол» клуби таркибидаги дастлабки машғулотларни амалга оширади.
Эслатиб ўтамиз, 34 ёшли ярим ҳимоячи Эрон клуби билан тузилган шартнома сўнггига қадар мукофот пулларидан ташқари 500 минг евро миқдорида маошга эга бўлади.
Comments