Тампере-2017: Исо Шапиев – Жаҳон чемпионати кумуш медали соҳиби!
Финляндиянинг Тампере шаҳрида давом этаётган спорт курашлари бўйича ёшлар ўртасидаги Жаҳон чемпионатининг дастлабки куни ҳамюртларимиз учун ўз ниҳоясига етди.
Бугунги кун доирасидан ўрин олган беллашувларда ҳамюртларимизда -74 килограмм вазн тоифасида Исо Шапиев ва -60 килограмм вазнда Аббос Раҳмоновлар гиламга чиқишди.
Хусусан, қизиқарли кечган беллашувларда Аббос Раҳмонов чорак финал босқичида мусобақани тарк этган бўлса, Исо Шапиев ўз вазн тоифасида барча рақибларини сезиларли устунлик билан мағлубиятга учратган ҳолда финал йўлланмасини қўлга киритди.
Ҳал қилувчи босқичда эса АҚШ вакили Марк Жон Холлга қарши беллашган спортчимиз имкониятни бой бериб қўйган ҳолда кумуш медал соҳибига айланди.
Фикрлар