“Ука, бу ерни Испания дейишади” ёхуд ушбу мавсум Ла лигада ҳакамлар томонидан йўл қўйилган қўпол хатолар

Сўнгги вақтларда ҳакамлар муаммоси кўпчилик мамлакатларда “бош оғриқ”қа айланиб бормоқда. Кимлардир видеотакрорларни амалда синаш керак деса, бошқалар ушбу фикрга қарши чиқишмоқда. Бу ҳолат айниқса, Испанияда жуда кенг муҳокамаларга сабаб бўлмоқда. Хусусан “Барселона” – “Бетис” учрашувида “тоз гол” инобатга олинмаганидан кейин муаммолар кўлами анча кенг эканига гувоҳ бўлдик. Биз эса шу муносабат билан, ушбу мавсум Ла лигада ҳакамлар томонидан йўл қўйилган энг қўпол хатоларни йиғишга ҳаракат қилиб кўрдик.

Собиқ жамоасини “бойитиб” кетганлар

Oй сарҳисоби. Январь ойининг омадсизлари

“Бетис” – “Барселона”(20-тур)

Ушбу мақола “дунёга келиши”га сабабчи бўлган учрашувда Тенерифе шаҳридан ташриф  буюрган бош ҳакам – Алехандро Эрнандес 78 дақиқада Неймар томонидан киритилган ва мезбонлар ҳимоячиси “кечикиб” қайтарган голни инобатга олмади.

“Реал” – “Эспаньол”(4 тур)

Ўтган йили сентябр ойида бўлиб ўтган баҳсда Эрнан Переснинг зарбасини Серхио Рамос қўллари ёрдамида “бартараф” этишга эришди.Бу вақтда Рамос аллақачон “сариқ” карточкани “ўзиники” қилиб улгурган эди.

“Вильяреал” – “Барселона”(17 тур)

Мессининг олисдан йўллаган кучли зарбасини Бруно Сориано жарима майдончасида қўли ёрдамида тўсиб қолди. 1:1 ҳисоби билан якунига етган ўйинда ҳакам мезбонлар дарвозаси томон қўйишни ўзига эп билмади.

“Севилья” – “Бетис”(5 тур)

“Севилья дербиси”да бош ҳакам Эстрада Фернандес меҳмонлар футболчиси – Аллгерия томонидан киритилган “тоза” голни офсайд деб баҳолаб инобатга олмади. Изоҳ ўзингиздан…

“Реал Сосьедат” – “Барселона”(13 тур)

Сўнгги вақтларда “ҳакамлар Барселонага қарши ишламоқда” деган фикр жуда кўп жойларда янграмоқда. Биз бундай демаган бўлардик. Зеро, ушбу  ўйиннинг 76 дақиқасида Хуанми томонидан киритилган голни бош ҳакам “офсайд” деб баҳолади ва баскларнинг ғалабасини “тортиб олди” гўё.

“Эйбар” – “Атлетико”(17 тур)

54 дақиқда мадридликлар ўйиндан ташқари ҳолатда гол киритишди. Фелипе Луис узатиб берган тўпни Сауль боши билан дарвозага “жойлаб” қўйди. Бош ҳакам Мансано Жиль ва лайнсмен ушбу ҳолатдаги офсайдни “кўрмай” қолишди.

“Севилья” – “Лас-Пальмас”(3 тур)

Хуан Мартинес Мунуера бошқариб борган учрашувнинг 89 дақиқасида мезбонлар пенальтидан тўп киритиб, ҳисобни тенглаштиришга эришди. Қайд этиш жоиз “Севилья” футболчиси Витолу ўзининг “актёрлик маҳорати” юқори эканлигини намойиш этган бўлса, ҳакам бунга дарров “ишонақолди”.

“Гранада” – “Депортиво”(11 тур)

Лайнсмен Раян Бабель томонидан киритилган голни офсайд деб баҳолади ва меҳмонларга ғалаба келтириш мумкин бўлган голни инобатга олмади.

“Валенсия” – “Барселона”(9 тур)

Юқорида айтганимиздек, “Барселона” ва унинг фанатлари ўзларини “жабрдийда” қилиб кўрсатмасалар ҳам бўлади. “Валенсия” билан баҳсда рефери Мессининг дастлабки голини инобатга олишга ҳаққи йўқ эди. Аммо…

Ps: Бу бир футбол мухлиси томонидан “аниқланган” хатолар холос. Хулосани эса аслида ўз ишининг усталари қилган маъкул.

Шаҳзод Холбоев тайёрлади