"Uzbek Tigers" мураббийлари "Astana Arlans"га қарши супержангга Ҳасанбой Дўсматов бошчилигида энг кучли таркибни туширади

The World Series Boxing (WSB) - Бутунжаҳон бокс серияларининг VII мавсумида иштирок этаётган "Uzbek Tigers" жамоаси ўз ғалабалари билан мухлислари олқишига сазовор бўлмоқда.

"Ўзбек йўлбарслари" Тошкент шаҳрида ўтган учрашувларда гуруҳдаги рақиблари - Россиянинг "Patriot Boxing Team" ва Хитойнинг "China Dragons" жамоаларини бир хил - 5:0 ҳисобида мағлубиятга учратди.

• WSB. “Uzbek Tigers” (Ўзбекистон) vs “China Dragons” (Хитой). Матнли трансляция

Энди "Uzbek Tigers" боксчилари "С" гуруҳининг бешинчи тур учрашувида гуруҳ пешқадами "Astana Arlans Kazakhstan" жамоасини қабул қилади.

• "Uzbek Tigers" - "Astana Arlans" учрашувида Ўзбекистон боксчиларини қўллаб-қувватланг (видео)

1 апрель куни Тошкентдаги "Ўзбекистон" спорт мажмуасида ўтказиладиган муҳим учрашувда "Uzbek Tigers" жамоаси шарафини қуйидаги боксчилар ҳимоя қилади.

• Қудратилло Абдуқаҳҳоров Мэнни Пакьяога анча яқинлашиб олди

49 килограмм: Олимпия чемпиони - Ҳасанбой Дўсматов

56 килограмм: Ўзбекистон чемпиони - Абдулҳай Шораҳматов

64 килогамм: Жаҳон чемпионати совриндори - Элнур Абдураимов

75 килограмм: Осиё ўйинлари кумуш медаль совриндори - Исроил Мадримов

91 килограмм: Ўзбекистон чемпиони - Зуҳриддин Маҳкамов

"Uzbek Tigers" - "Astana Arlans" учрашуви 1 апрель куни “Ўзбекистон” спорт мажмуасида соат 18:30 да бошланади.

SPORTS.uz ахборот портали бўлажак беллашувни онлайн тарзда фото, видео ва матнли трансляция ёрдамида кенг ёритади!

SPORTS.uz

• Шахрам Ғиёсов WSB 4-турининг энг яхши боксчиси!