"Андижон" Тожикистонда йиғин ўтказади
“Андижон” “Мавсум-2024” учун тайёргарликка киришмоқда. 3 январь куни жамоа аъзолари ўз қароргоҳларида тўпланадилар.
Футболчилар дастлаб тиббий текширувдан ўтказилади. 5 январь куни эса йиғин ўтказиш учун Тожикистоннинг Хўжанд шаҳрига йўл оладилар.
Режа бўйича у ерда икки ҳафта давомида машғулотлар олиб борилади. Асосан жисмоний юкламаларга эътибор қаратилади.
Шунингдек, йиғин доирасида иккита назорат учрашуви ўтказилиши ҳам режалаштирилган. Тожикистондаги йиғин 19 январга қадар давом этади.
"Андижон" матбуот хизмати.
Фикрлар