Биласизми? "Реал" Коутиньони 200 млн еврога сотиб олиши мумкин эди

Мадриднинг “Реал” клуби кеча “Барселона”га ўтган ярим ҳимоячи Филиппе Коутиньони “Ливерпул”да ўйнаб юрган пайтидаёқ сотиб олиши мумкин эди.

Mundo Deportivo нашри тарқатган хабарга қараганда “қироллик клуби” 25 ёшли бразилиялик футболчи учун мерсисайдликларга 200 млн евро таклиф қилишга тайёр эди, бироқ, футболчи фақат “Барселона”га ўтиш истагида эканлигини айтганидан сўнг “Реал”га жавоби берилган.

Эслатиб ўтамиз, 160 млн евро эвазига каталонияликлар сафига кўчиб ўтган Коутиньо Англия тарихидаги энг қимматбаҳо футболчига айланди.