“Ливерпуль”га бир жамоадан беш футболчини олиб келишмоқчи

Жорий мавсум якунланганидан кейин “Ливерпуль”да бош мураббий Юрген Клопп ўрнини Арне Слот эгаллаши кутилмоқда.

Ҳар қандай янги мураббий таркибни ўзига мослайди. Футбол экспертлари Арне Слот ҳозирги жамоаси “Фейеноорд”дан “Ливерпуль”га ўзи ишонган беш нафар футболчини таклиф қилиши мумкинлигини таъкидламоқда.

Нидерландия чемпионатидан АПЛга кўчиб ўтиши мумкин бўлган футболчилари билан танишиб оламиз.

Матс Виффер – таянч ярим ҳимоячиси Слот қўллаётган ўйин услубида етакчи ролларни ўйнайди.

Сантьяго Хименес – тўпурар ҳужумчи “Ливерпуль”да етарли даражада гол ура олмаётган Дарвин Нуньеснинг ўрнини эгаллаши мумкин.

Лутсхарел Гертрюйда – ўсмирлигидан “Фейеноорд” асосий таркибида ўйнаётган 23 ёшли ҳимоячи майдонга тушган учрашувлар сони 200 га бориб қолди.

Квинтен Тимбер – бу футболчи бир неча позицияда муваффақиятли ўйнай олади ва Арне Слотнинг энг ишонган шогирдларидан биридир.

Юстин Бейло – Бу дарвозабон жаҳон даражасидаги Аллисонга ўринбосар сифатида олиб келиниши мумкин.