"Манчестер Сити" Агуэронинг нархини эълон қилди

Англиянинг "Манчестер Сити" клуби ҳужумчиси Серхио Агуэро яқинлашиб келаётган қишки трансферлар даврида жамоасини ўзгартириши мумкин.

A Bola нашри тарқатган хабарга кўра “шаҳарликлар” аргентиналик тўпурар футболчисини 70 млн евро эвазига қўйиб юборишга тайёр. Айтиш лозимки, бундан аввалроқ Агуэронинг хизматларига Мадриднинг “Реал” клуби жиддий қизиқиш билдираётгани ҳақида хабарлар тарқалган эди.

Эслатиб ўтамиз, бундан олдин “Манчестер Сити” бош мураббийи Хосеп Гвардиола Агуэрони жамоасида сақлаб қолиш ниятида эканлигини айтиб ўтган эди.

Маълумот учун, жорий мавсум АПЛнинг 14та учрашувида майдонга тушган Агуэро ушбу баҳсларда 12та гол ҳамда 4та голли узатмага муаллифлик қилган.