“Манчестер Юнайтед”: У энди кетолмайди

“Манчестер Юнайтед” раҳбарияти Бруну Фернандеш билан 2026 йилнинг ёзигача давом этадиган шартнома имзолади. Бу ҳақда клубнинг расмий сайти эълон берди.

Янги келишувга кўра, португалиялик плеймейкернинг йиллик маоши 14-15 миллион еврони ташкил қилади.

Фернандеш манчестерликлар сафиа 2020 йили қўшилганди. Унинг трансфери учун клуб “Спортинг”га 63 миллион евро тўлаган. Унинг амалдаги ашартномаси 2025 йилнинг ярмигача имзоланган эди. Бироқ манчестерликлар унинг бошқа клубларга ўтиб кетмаслигини олдини олиш мақсадида маошни ошириб, янги битим имзолади.

Бруну Фернандеш жорий мавсумда 27 та учрашувда тўққизта гол уриб, олтита голли пас узатди.