“Реал” Мбаппе ва яна учта юлдузни трансфер қилади

“Реал” жорий мавсум якунланганидан кейин таркибини тўрт нафар футболчи билан кучайтиришга қарор қилди.

But Football Club нашрининг хабар беришича, мадридликларнинг асосий нишони ҳамон “Пари Сен-Жермен” форварди Килиан Мбаппе бўлиб турибди.

Манбанинг таъкидлашича, 25 ёшли футболчи билан музокаралар давом этмоқда, бироқ томонлар асосан маош борасида бир тўхтамга кела олмаяпти. Мадридликлар тўпурарга бир мавсум учун 30 миллион евро атрофида маош бермоақчи. ПСЖ эса Мбаппеге реклама ва бошқа тўловларсиз хизмат ҳақи сифатида 100 миллион евро таклиф қиляпти.

“Қироллик клуби” ёзги трансферлар ваятида “Ньюкасл”дан Бруно Гимарайнш, “Бавария”дан Альфонсо Дэвис ҳамда “Манчестер Сити”га тегишли, аммо мавсумни ижара асосида “Жирона” сафида ўтказаётган ҳимоячи Ян Коутуни ҳам олишни режалаштирмоқда.