Халқаро ўртоқлик ўйинида "Нефтчи" "Алай" устидан ғалаба қозонди

"Нефтчи" ФИФА кунларидан фойдаланиб, халқаро ўртоқлик ўйини ўтказди. Қиргулидаги "Нефтчи" стадионида бўлиб ўтган ўртоқлик баҳсида Виталий Левченко шогирдлари қўшни Қирғиз Республикасининг "Алай" клубини қабул қилдилар. Учрашувда мезбонларнинг грузиялик ҳужумчиси Гиорги Никабадзе томонидан 19-дақиқада киритилган ягона голи "Нефтчи" га минимал ҳисобдаги ғалабани тақдим этди.

Эслатиб ўтамиз, фарғоналикларнинг навбатдаги ўртоқлик ўйини 16 сентябрь санасида "Андижон" клубига қарши бўлиб ўтади.