"Манчестер Сити" "Боруссия"дан яна бир истеъдодни олиб келмоқчи

Дортмунднинг "Боруссия"си вакили Рафаэль Геррейру фаолиятини "Туманли Альбион"да давом эттириши мумкин.

"Calciomercatoweb" нашрининг маълум қилишича, ҳимоячи трансфери билан "Манчестер Сити" қизиқиб қолган. "Шаҳарликлар" ҳимоячини қишки трансфер ойнасида ўз таркибига қўшиб олмоқчи.

Гвардиола Геррейрунинг чап қанот ҳимоячиси позициясига муносиб номзод сифатида кўряпти. Анча вақтдан бери манчестерликларда бу нуқта муаммо бўлиб келаётганди. "Transfermarkt" Рафани 20 миллион еврога баҳоламоқда.

Бунгача "Сити" "асаларилар"нинг бошқа бир аъзоси Эрлинг Холандни АПЛга олиб келганди.