"Барселона" 19 ёшли футболчи билан музокаралар ўтказмоқда

"Барселона" "Копенгаген"нинг 19 ёшли вингери Руни Барджини сотиб олиши мумкин. Бу ҳақда Mundo Deportivo хабар бермоқда.

Манбага кўра, футболчининг агенти аллақачон Барселона шаҳрига ташриф буюрган ва каталон клубининг вакиллари билан учрашган. Ҳозирча "Барса" иккита вариантни кўриб чиқмоқда: футболчини 2025 йил охирида эркин агент сифатида январда қўшиб олиш ёки ҳозироқ 2–3 миллион еврога харид қилиш.

Барджи Қувайтда туғилган бўлса-да, Швециянинг ёшлар терма жамоаси сафида тўп суради. Ҳозирги жамоаси таркибида у уч марта Дания чемпиони, икки марта эса мамлакат кубоги соҳибига айланган.