ПСЖ президенти: "Энрике жанжални тўхтатишга уринди, бироқ..."

Носир Ал-Хелайфи "Челси" билан ўйин пайтидаги тўқнашувдан сўнг Луис Энрикени қўллаб-қувватлади.

Клублар ўртасидаги Жаҳон чемпионати финалида "Челси" ПСЖни 3:0 ҳисобида мағлуб этганидан кейин, футболчилар ўртасида жанжал кўтарилди.

Жанжал чоғида ПСЖ бош мураббийи Луис Энрике "кўклар"нинг учинчи голини урган ҳужумчиси Жоао Педрони итариб юборди. Испаниялик аввал бразилияликнинг бўғзига, сўнгра юзига қўл теккизди, натижада ҳужумчи йиқилди.

Ҳолат юзасидан ПСЖ президенти Ал-Хелайфи шундай деди: "Бизда дунёдаги энг интизомли ва ҳурматга сазовор мураббий бор. У жанжални тўхтатишга уриниб, ўзи ҳам унга аралашиб қолди. Мураббийлар ҳам ҳурматга лойиқдир."