"Динамо" "Сурхон"нинг яна бир етакчисини қўлга киритди

«Динамо» жамоаси мавсумнинг иккинчи қисмига Беларусда пухта тайёргарлик кўриб, ўз таркибини кучайтиришда давом этади.

"Мавсумнинг дастлабки қисмини «Сурхон» клубида ўтказган Дмитрий Плетнёв эркин агент сифатида «Динамо» сафига қўшилганини мамнуният билан маълум қиламиз. Суперлиганинг энг яхши яримҳимоячиларидан бири билан 1,5 йиллик шартнома имзоланди. Россиялик 27 ёшли ярим ҳимоячи жамоамизнинг Беларусдаги машғулотларига келиб қўшилди", - дея хабар бермоқда клуб матбуот хизмати.

Санкт-Петербургнинг «Зенит» клуби тарбияланувчиси саналмиш Плетнёв Россия ўсмирлар жамоаси сафида "ЖЧ-2015" да иштирок этган. Шунингдек, у Россиянинг «Зенит», «Томь», «Балтика», Қозоғистоннинг «Атирау», Беларуснинг «Арсенал» ва сўнгги икки мавсум давомида Термизнинг «Сурхон» жамоаси шарафини ҳимоя қилиб келаётганди.

Эндиликда легионер ўйинчи бор эътборини Самарқанднинг "Динамо" клубига қаратади. 

Ундан аввал эса "Динамо" клуби "Сурхон"нинг яна бир етакчиларидан бири Жаҳонгир Абдусаломов билан ҳам шартнома имзолаган.