АПЛ футболчилари Пайетнинг йўлини тута бошлади
"Вест Хэм" томонидан трансфери тақиқланган Димитри Пайет клубга нисбатан бош кўтариб, мақсадига етгач, ўз жамоасини алмаштиролмай юрган бошқа футболчилар ҳам франциялик ўйинчининг йўлини тута бошлади.
Англия чемпиони "Лестер"нинг асосий таркибига кира олмаётган аргентиналик ҳужумчи Леонардо Ульоа жамоадан кетолмаётган эди. Бу футболчига Испания чемпионати вакиллари қизиқиш билдирмоқда. Бироқ, жамоа бош мураббийи Клаудио Раньери ҳужумчининг кетишига йўл қўймаяпти.
Леонардо Ульоа мақсадига етиш учун Димитри Пайет усулини қўллашга қарор қилди. Футболчи "Лестер" учун бошқа ўйнамаслигини эълон қилди.
- Клаудио Раньери мени алдади, - деди Леонардо Ульоа. - Клуб ҳам бу масалани ташлаб қўйди. Мен энди улар учун ўйнамайман.
Леонардо Ульоанинг агенти Горацио Росси Клаудио Раньери аввалига футболчига ўйин амалиёти ваъда қилгани, бироқ амалда бундай бўлмаганини, бошқа жамоага ўтишига йўл қўймаётгани ҳақида гапирган эди.
Ульоа жорий мавсумда асосан захирадан тушиб атиги 12 та ўйинда қатнашди ва битта гол урди.
Comments