“Арсенал” Хамесни ўз сафига қўшиб олмоқчи

Лондоннинг “Аренал” жамоаси “Реал Мадрид”га тегишли бўлган ва айни дамда “Бавария”да тўп сураётган Хамес Родригесга қизиқиш билдирмоқда.

Independent нашрининг хабарларига кўра, “Арсенал” колумбиялик ярим ҳимоячини ижарага олмоқчи. Айни вақтда Лондон клуби бу борада “Реал” билан музокаралар олиб бормоқда.

“Қироллик клуби” колумбиялик 27 ёшли футболчини сотиш вариантини ҳам кўрмоқда. Хамеснинг ўзи эса “Реал”га қайтиб, асосий таркиб учун курашмоқчи.

Хамес Родригес 2017 йилдан буён ижара асосида “Бавария”да ўйнаяпти. Жорий мавсумда у 9 учрашувда 3 та гол ва 1 та голли пасга муаллифлик қилди.