"Барселона" футболчиси номаълум муддатга сафдан чиқди

Каталониянинг “Барселона” клуби хавбеки Рафинья Алькантара мушакларини жароҳатлаб олди. Бу ҳақда клуб расмий сайти хабар тарқатмоқда.

23 ёшли футболчининг қанча муддатга сафдан чиққанлиги чуқурлаштирилган тиббий текширувлардан сўнг маълум бўлади. Аммо шуниси аниқки “Барселона” 19 январь куни бўлиб ўтадиган Испания кубоги чорак финалининг дастлабки баҳсида "Реал Сосьедад"га қарши ўйинда 23 ёшли бразилиялик футболчининг хизматларига таяна олмайди.

Маълумот учун, Рафинья ушбу мавсум “кўк-анор ранглилар” сафида жами 18та учрашувда майдонга тушган ва ўз ҳисобига 6та гол ёздириб қўйишга эришган.