"Интер" Икарди ўрнига Жекони сотиб олмоқчи

Миланнинг "Интер" клуби "Рома" форварди Эдин Жекони кўз остига олиб қўйди.

Foxsports нашри тарқатган хабарга кўра “нерадзуррилар” босниялик футболчини ёзги трансферлар даврида сотиб олишни режалаштиришмоқда. Таъкидлаш керакки, Жеко “Интер”да бошқа жамоага ўтиши кутилаётган Мауро Икардининг ўрнини эгаллайди.

Маълумот учун, 32 ёшли Жеко жорий мавсум 25та ўйинда майдонга тушди ва ўз ҳисобига 10та гол ҳамда 7та голли узатма ёздириб қўйишга эришди. Унинг римликлар билан амалдаги шартномаси 2020 йилга қадар имзоланган.