"Интер" футболчиси фаолиятини АПЛда давом эттириши мумкин

Англиянинг "Вулверхэмптон" клуби "Интер" ярим ҳимоячиси Жоау Мариуга жиддий қизиқиш билдира бошлади. Бу ҳақда Football Italia нашри хабар тарқатмоқда.

Юқоридаги манбаанинг маълум қилишича инглиз клуби 25 ёшли футболчини кейинчалик 30 млн евро эвазига сотиб олиш ҳуқуқи билан бир йилга ижарага олишмоқчи. “Нерадзуррилар” эса футболчисини кейинчалик 35 миллионга сотиб олиш шарти билан ижарага беришмоқчи.

Эслатиб ўтиш лозимки, Мариу учун Англия премьер-лигаси бегона эмас. Боиси, у ўтган мавсумнинг иккинчи ярмини Лондоннинг "Вест Хэм" клубида ижара асосида ўтказган эди.