Педро: Азар – дунёнинг энг кучли тўрт футболчисидан бири

Лондоннинг “Челси” клуби ҳужумчиси Педро Родригес бельгиялик жамоадоши Эден Азарни дунёнинг энг кучли футболчилари қаторига қўшди.

“Менинг назаримда Эден дунёнинг энг кучли тўрт футболчисидан бири. Азар – жуда ажойиб футболчи, шунинг учун яқин йиллар ичида унинг “Олтин тўп”ни қўлга киритишига ишонаман”, - дейди испаниялик футболчи.

Маълумот учун, Азар жорий мавсум АПЛнинг 5та турида майдонга тушиб, ўз ҳисобига 5та гол ҳамда 2та голли узатма ёздириб қўйишга эришди.