Роналду дебют учрашувида "Кьево" дарвозабонига жиддий жароҳат етказди

"Кьево" клуби дарвозабони Стефано Соррентино кеча А Сериянинг илк турида "Ювентус"га (2:3) қарши ўйинда жиддий жароҳат олди.

Sky Sports нашри тарқатган хабарга кўра 39 ёшли дарвозабон туринликлар форварди Криштиану Роналду билан бўлган тўқнашувдан сўнг бироз вақт майдонда ҳушсиз қолди. Шифокорларнинг маълум қилишича ушбу ҳолатда Соррентинонинг бурни синган ва мияси чайқалган. У бугун чуқурлаштирилган тиббий кўрикдан ўтади ва шундан сўнг унинг қачон сафга қайтиши маълум бўлади.