Абдухолиқовнинг жамоаси сўнгги дақиқаларда гол ўтказиб юборди

Бугун Қатар Юлдузлар лигасида 9-тур ўйинлари старт олди. Ҳамюртимиз Темурхўжа Абдухолиқов тўп сурадиган “Ас-Сайлия” клуби сафарда “Ал-Хор” билан куч синашди.

36-дақиқадан бошлаб майдонда 10 киши бўлиб қолган меҳмонлар 84-дақиқада ўтказиб юборилган ягона гол туфайли 0:1 ҳисобида имкониятни бой берди.

Абдухолиқов ўйинни асосий таркибда бошлади ва 30-дақиқада ҳакам томонидан огоҳлантирилди.

Қатар Юлдузлар лигаси. 9-тур

“Ал-Хор” – “Ас-Сайлия” 1:0.