Акбаржон Исломбоев: "Ажойиб имкониятни рад этдим. Чунки..."

Ўзбекистонлик ММА жангчиси Акбаржон Исломбоев UAE Warriors промоушенидаги икки ёрқин ғалабасидан сўнг, унга бўлган қизиқиш ортиб кетди. Жумладан унга АҚШнинг LFA промоушени ажойиб шартнома таклиф қилганлиги хақида ҳам хабар берган эдик. Биз ушбу жангчимизнинг эндиликдаги режалари қандай эканлиги билан қизиқдик.

-  Акбаржон янги шартномалар ҳақида хабар топдик?

- Ҳа, АҚШнинг LFA промоушени билан келишувга эришдик. 

- Warriors раҳбарияти бунга қандай муносабатда бўлди?

- Иккинчи жангимдаги ғалабадан сўнг, улар менга камар учун жанг беришини айтишган эди. Аммо мақсад UFC бўлганлиги учун буни рад этиб, LFAни таклифини қабул қилдим.
 
- Промоушен билан келишув қилса бўлмайдими, яъни виза масаласи ҳал бўлгунга қадар Warriorsда жанг ўтказиб туриш борасида...?

- Йўқ фақат PFL ва UFCда жанг қилишни имкони бор холос. Бошқа лигаларга рухсат бермас экан.

- LFA даги жангингиз тахминан қайси ойларга тўғри келиши мумкин? 

-  Ҳозирда барча диққат этиборимиз виза жараёнларига қаратилган. Уларнинг режасига кўра, июнь ойида жанг қилишим керак. Узоғи билан июлда Америкада октагонга кўтариламан.

- Албатта, сиздан океан ортида ҳам чиройли ғалабалар кутиб қоламиз!

- Бунга бор имкониятим билан ҳаракат қиламан. Мақсадим UFCга чиқиш ва у ерда ҳам муносиб натижаларга эришишдан иборат. 

Маълумот учун, Акбаржон Исломбоев 10-1 рекорд қайд этган. Ҳозирда Дубайда TKAMMFIT залида Ҳусан Мажлимов қўл остида машғулолотлар олиб бормоқда.