Александр Усикка қайси давлатлар фуқаролигини ўзгартириш таклифини берган?

Украиналик боксчи Александр Усик унга фуқаролигини ўзгартиришни таклиф қилган давлатларни санаб ўтди.

“Бу таклифни фақат руслар қилишмаган. Бу бир йил олдин эмас, бу ҳаваскор боксдалик пайтимдаёқ бўлган эди. Туркия, Озарбайжон ва Ирландия таклиф билан чиқишган”, — деди Усик Video NV You Tube каналида.

Эслатиб ўтамиз, Александр(22-0, 14 KO) ўзининг сўнгги жангида британиялик Тайсон Фьюри(34-1-1, 24 KO) билан учрашди. Тўлиқ 12 раунд давом этган баҳсда украиналикнинг қўли баланд келди.