Алонсо "Барселона" президентининг гапларига жавоб қайтарди

"Реал" бош мураббийи Хаби Алонсо "Барселона" президенти Жоан Лапортанинг Мадрид клуби ҳокимият ҳиссига эга, каталонияликлар эса ўзлик ҳиссини ҳимоя қилади, деган баёнотига жавоб берди.

"Мен бу гапларнинг контекстини тушунмадим, лекин бу ҳақда чуқурлашишни хоҳламайман. Бизда эркинлик ва демократия ҳисси бор ва ўйлайманки, уларда ҳам маълум даражада ҳокимият мавжуд. Шунинг учун бу икки томонга ҳам таъсир қилади," - дея Алонсонинг сўзларини келтирди "Реал"нинг расмий сайти.

Эслатиб ўтамиз, "қироллик клуби" ўтган мавсумни Ла Лига турнир жадвалида иккинчи ўринда якунлаган эди. Испания чемпиони "Барселона" бўлди. Хаби Алонсо ёзда "қаймоқранглилар"ни бошқаришни ўз зиммасига олди. Бундан олдин испаниялик мутахассис Леверкузеннинг "Байер" жамоасида фаолият юритган эди.