Алонсо билан чиқишолмай қолган юлдуз “Реал”да кетмоқчи

Англия Премьер-лигаси вакили “Манчестер Юнайтед” таркибини “Реал”нинг энг зўр футболчиларидан ҳисобланган Федерико Вальверде билан кучайтиришга умид боғламоқда.

Mirror нашрининг ёзишича, манчестерликлар “Қироллик клуби”да.уругвайлик ярим ҳимоячи атрофида юзага келган вазиятни снчковлик билан кузатиб боряпти.

Манбага кўра, Вальверде жамоанинг янги бош мураббий Хаби Алонсонинг бошқарув услубидан шикоят қилаётган бир неча футболчилардан бири ҳисоблади. Федерико тез орада клубдаги вазият ва Алонсонинг муносабати ўзгармаса, бошқа жамоага ўтиб кетиш вариантларини кўриб чиқа бошлайди.

Трансферлар бўйича экспертларнинг таъкидлашича, “Реал” 27 ёшли ўйинчини 100 миллион фунтдан камига қўйиб юбормайди. “Манчестер Юнайтед” мутасаддилари бу трансферни 70 миллион фунтга ҳал қилишни кўзлаб турибди.

Вальверденинг мадридликлар билан амалдаги шартномаси 2029 йилнинг ярмигача давом этиши белгиланган. Transfermarkt портали экспертлари футболчини 130 миллион еврога баҳоламоқда.