Алвидо! Роналдунинг бошига қайғу тушди

Лиссабоннинг “Спортинг” клубида селекция департаменти раҳбари бўлиб ишлаган Аурелиу да Силва Перейра 77 ёшида ҳаётдан кўз юмди. Бу ҳақда клуб матбуот хизмати хабар берди.

Бу мутахассис Криштиану Ронадуни илк профессионал клуби “Спортинг”га олиб келган ва катта футболга йўл очиб берган эди.

“Ан-Наср” ва Португалия терма жамоаси ҳужумчиси бу нохуш воқеага муносабат билдирди.

- Жаҳон футболидаги тайёргарлик жараёнининг буюк тимсолларидан бири бизни тарк этди. Лекин унинг мероси абадийдир. Менга ва кўплаб футболчиларга катта футболга йўл очиб берган  бу инсондан бир умр миннатдорман.

Алвида жаноб Аурелиу, ҳаммаси учун катта раҳмат, - деб ёзди ижтимоий тармоқлардаги саҳифасига Криштиану Роналду.

Криштиану Роналду 1997-2003 йиллар давомида “Спортинг” тизимида тарбияланган ва кейинчалик “Манчестер Юнайтед”га кўчиб ўтиб, жаҳон футболида ном қозонган.