Анчелотти ўрнига “Реал” кўпчилик унутиб юборган мураббийни чақиряпти

“Ливерпуль” билан катта ютуқларни қўлга киритган Юрген Клопп мураббийлик фаолиятини туўхтатганидан кейин мухлису мутахассислар назаридан четда қолди.

TBR Football нашрининг ёзишича, германиялик мутахассис яна мураббийлик фаолиятини тиклаши мумкин. “Реал” раҳбарияти тажрибали мутахассисни ҳозирги бош мураббий Карло Анчелотти ўрнига идеал номзод, деб топди.

Мадридликлар Юрген Клоппнинг юлдузлар билан ишлаш ва ёш ўйинчиларни ривожлантириш қобилиятини юқори баҳоламоқда.

Карло Анчелотти машҳур футболчиларни ўз измига сола олишига қарамай, ёшларни жамоага сингдиришда етарлича муаммоларга эга. Бунга Арда Гюлер ва Эндрик каби истеъдод эгаларининг жамоадаги ҳолатидан норози эканини мисол қилиш мумкин.

Юрген Клопп 2015-2024 йиллар давомида “Ливерпуль” мураббийи бўлиб ишлаган. 2025 йилнинг 1 январидан Red Bull корпорациясида футбол йўналишининг умумий раҳбари лавозимида фаолият юритмоқда.