Анчелотти ўзи шуғуллантирган энг кучли футболчиларни айтди

"Реал Мадрид" бош мураббийи Карло Анчелотти фаолияти давомида ўз қўл остида шуғуллантирган 5 та энг кучли футболчилар исмини айтди.

"Менинг мураббийлик фаолиятимдаги энг яхши футболчиларим Роналдо, Иброҳимович, Роналду, Винисиус ва Бензема", - деб италиялик мутахассиснинг сўзларини келтирди "Give Me Sport" портали.

Эслатиб ўтамиз, Анчелотти 2021 йилдан бери Мадриднинг "Реал" жамоасининг бош мураббийи бўлиб ишламоқда. Унинг иш шартномаси 2026 йилнинг июн ойида якунланади.

Испания чемпионатининг 20-туридан сўнг "Реал" 46 очко тўплаб, турнир жадвалида биринчи ўринни эгалламоқда.