Анчелотти Зиданни ортда қолдирди

Испания чемпионатининг 5-тури доирасида “Реал Мадрид” ўз майдонида “Реал Сосьедад”ни қабул қилди ва 2:1 ҳисобида ғалаба қозонди.

Бу ғалаба италиялик мутахассис Карло Анчелотти учун мадридликлар бошқарувидаги 173-ғалаба бўлди. У бу кўрсаткич бўйича франциялик Зинедин Зиданни ортда қолдирди ва иккинчи ўринга чиқиб олди. Анчелотти "қироллик клуби" бошчилигида 357 ғалабага эришган Мигель Муносдан кейин иккинчи ўринда бормоқда.

64 ёшли италиялик мутахассис 2021 йилнинг ёзида "Реал"га қайтган эди. Томонлар ўртасидаги амалдаги меҳнат шартномаси муддати 2023/2024 йилги мавсум охиригача тузилган.