Арне Слот энди “Ливерпуль”га ёрдам беролмайди

“Ливерпуь”ни Англия Премьер-лигасининг пешқадамига айлантирган Арне Слот навбатдаги иккита учрашувда жамоасига ёрдам бера олмайди.

Тажрибали мутахассис Мерсисайд дербисида ўзини тута олмагани ва ҳакамларни ҳақорат қилгани учун майдондан четлатилган эди.

Тартиб-интизом қўмитаси нидерландиялик мутахассисни икки ўйинга дисквалификация қилишдан ташқари, унга 80 минг евро миқдорида жарима ҳам белгилади.

Ўша учрашувда “Эвертон” футболчилари сўнгги дақиқада гол уриб, ҳисобни 2:2 га тенглаштирган ва “Ливерпуль” қимматли икки очкодан маҳрум бўлганди.