"Арсенал" ҳужумчиси янги мавсумни А Серия гранди сафида бошлаши мумкин

Айни вақтда Франциянинг “Реймс” клубида ижара асосида ўйнаётган “Арсенал” ҳужумчиси Фоларин Балоган янги мавсумни Италия чемпионатида бошлаши мумкин. Calciomercato нашри тарқатган хабарга кўра, 21 ёшли англиялик футболчига "Милан" қизиқиш билдирмоқда.

Манбага кўра, форварднинг эҳтимолий трансфери тахминан 30 миллион еврони ташкил қилади. Унинг "Реймс" билан ижара шартномаси шу ёзда ўз ниҳоясига етади.

Фоларин жорий мавсум Франция чемпионатининг жорий мавсумида жами 29 та ўйинда майдонга тушиб, ўз ҳисобига 18 та гол (5 таси пенальтидан) ва 2 та голли узатма ёздириб қўйишга эришди.