"Арсенал" ярим ҳимоячиси фаолиятини Ла Лигада давом эттиради

"Арсенал" аъзоси Самби Локонго фаолиятини Ла Лигада давом эттирадиган бўлди. Ярим ҳимоячининг кейинги клуби "Севилья" бўлади. 

Фабрицио Романо хабар беришича, бельгиялик футболчи учун Испания клуби 12 миллион евро тўлайди. Шу билан бирга, "канонирлар" Локонгонинг кейинги трансфер пулидан 25 фоизини ўзига олиб қолади.

Самби 2021 "Андерлехт"дан 17 миллион евро эвазига лондонликлар сафига келиб қўшилган. Шундан бери у "Лутон" ва "Кристал Пэлас" жамоаларида ижарада ўйнади. Умуман олганда, 24 ёшлининг хариди омадли бўлгани йўқ. 

Локонго тез орада "Севилья" учун тиббий кўрикдан ўтади. Ўтган мавсумни кўнгилдагидек ўтказмаган клуб бу ёзда яхши трансферларни амалга оширишда давом этади.