"Атлетико" Иван учун қанча сарфламоқчи?

Мадриднинг "Атлетико" клуби "Барселона" ярим ҳимоячиси Иван Ракитич билан ўз сафини кучайтирмоқчи.

Daily Mail нашри тарқатган хабарга кўра, “матрасчилар” 32 ёшли хорватиялик футболчи учун Каталония клубига 20 млн евро таклиф қилишни режалаштиришмоқда. Иваннинг ўзи ҳам Испанияда қолиш истагида ва шу боис у “Атлетико”нинг таклифига рози бўлиши мумкин.

Бундан аввалроқ, Ракитич “Севилья”га қайтиши мумкинлиги ҳақида ҳам хабарлар тарқалган эди. Унга, шунингдек, “Интер” ва “Милан”дан ҳам таклифлар бўлмоқда.

Иван Ракитич жорий мавсум “Барселона” сафида 31 та ўйинда майдонга тушди. Унинг клуб билан амалдаги шартномаси 2021 йилга қадар имзоланган.