"Барса" футболчисининг жароҳати қанчалик жиддий?

"Барселона" шифокорлари ҳимоячи Серхи Роберто жиддий жароҳат олмаганини маълум қилди.

30 ёшли футболчи Чемпионлар лигаси 1-тури доирасидаги Чехиянинг “Виктория” Пльзен клубига қарши ўйиннинг танаффусида алмаштирилди. “Sport” нашри хабарига кўра, испанияликнинг жароҳати ҳақидаги тахминлар ўз тасдиғини топмаган: "Барселона" тиббиёт ходимлари тиббий кўрик давомида Роберто жиддий жароҳат олмагани маълум бўлди.

Футболчи Чемпионлар лигасининг навбатдаги тури доирасидаги "Бавария"га қарши ўйинда оптимал ҳолатда бўлиш учун Ла Лиганинг 5-туридаги "Кадис"га қарши ўйинни ўтказиб юбориши мумкин.