"Барса" мухлислари учун узоқ кутилган хушхабар!

"Барселона" клуби "Интер" ҳужумчиси Лаутаро Мартинес билан оғзаки келишувга эришди.

Calciomercato нашрининг хабар беришича, томонлар тез орада шартнома имзолаш бўйича ҳам келишувга эришади. Унга кўра, 22 ёшли аргентиналик футболчи “кўк-анор ранглилар” сафида йилига 13 млн евро маош олади. Энди “Барса” раҳбарияти ушбу трансфер юзасидан “Интер” билан тил топишса бас.

Мартинес жорий мавсум “Интер” сафида 31 та ўйинда майдонга тушди ва 16 та гол ҳамда 4 та голли узатмага муаллифлик қилди.